Disa pamje dramatike janë kapur nga “National Geographic” ku duket se si një ari polar i cili në agoni e sipër kërkon të gjejë ushqim. Në pamje ariu polar shfaqet i dobët, i pafuqishëm dhe gati të rrëzohet nga momenti në moment. Ai zvarritet me këmbët që mezi e mbajnë por përsëri nuk arrin të gjejë ushqimin.
Paul Nicklen, është fotografi i cili realizoi këto xhirime, dhe rrëfen se ishte me lot në sy teksa kapte këto pamje. Ai shprehet se këto xhirime janë kapur në një zonë të Kanadasë, e cila ka qenë e mbuluar me akull dhe dëborë, por si pasojë e ngrohjes globale, gjithçka ka shkrirë, duke i lënë kafshët që jetojnë në këtë klimë, në luftë për mbijetesë.
Në fund të videos, ariu polar dorëzohet, duke lënë që uria ti marrë jetën. Video tregon qartazi se çfarë do të thotë të “vdesësh urie”, ndërsa përgjegjës për këtë situatë janë vetë njerëzit.
