Moderatorja, Cat Greenleaf ka goditur aksidentalisht me shuplakë të ftuarën e saj kur po e intervistonte në transmetim direkt. Ajo kishte ftuar aktoren, Nicole Richie dhe në një moment e pyeti për lajmin më të mirë që kishte dëgjuar gjatë javës.
Kur Richie u përgjigj për emrin e shfaqjes që zotëronte, atëherë moderatorja e ftoi që të bënin një përplasje me duar, rrëshqiti dhe e goditi në fytyrë. Ishte një moment shumë shokues sepse 35-vjeçares i ranë syzet dhe u hutua, por më pas intervista vazhdoi njësoj pasi ajo nuk e mori për keq këtë veprim.
