Dihet tashmë që këngëtarja Artiola Toska është mjaft diskrete përsa i përket jetës së saj private.
Ajo ishte sot e ftuar në emisionin “Xing me Ermalin”, në Tv Klan ku përmes humorit zbuloi mjaft të pathëna për jetën e saj.
Drejtuesi i emisionit Ermal Mamaqi pyeti këngëtaren për arsyen se përse nuk ka bërë dasmë, ndërkohë Toska duke iu përshtatur formatit të emisionit u përgjigj me humor se nuk ka patur data të lira.
“E kisha mbajt të fshehur burrin. Por, nuk kam bërë akoma dasmë se nuk kisha data të lira”, tha Artiola.
Gjatë emisionit “Xing me Ermalin”, këngëtarja Artiola foli edhe për marrëdhëniet me vjehrrën. Duke marë shkas nga kënga “Vjehrrën duaje krejt si nanë”, Mamaqi pyeti Toskën se si e ka zbutur vjehrrën.
Këngëtarja tregoi se ka marrëdhënie të mira me vjehrrën teksa shtoi se nuk ka patur nevojë ta zbuste pasi sipas saj ajo ka qenë e butë vetë.
“Vjehrrën time s’kisha nevojë ta zbusja, se është e mirë, është e dashur dhe s’kishte nevojë ta zbusja se ishte vetë e butë”, tha Toska.
