Zëvendeskryeministri, njëherazi edhe ministër i Punëve të Brendshme të Serbisë, Ivica Daci i rezervoi një përshëndetje mjaft të veçantë presidentit turk Rexhep Tajip Erdogan.
Numri dy i qeverisë serbe ka marrë mikrofonin e ka kënduar përpara kreut të shtetit turk këngën “Osman aga” në një drekë të shtruar në Pallatin e Serbisë pikërisht për nder të Erdoganit.
Në videon amatore, të shpërndarë në rrjetin social X, Daçic shihet duke kënduar në shoqërinë e një orkestre, ndërsa në sfond në tryezën festive janë ulur anëtarët e Qeverisë Goran Vesic, Zoran Gajic dhe Usame Zukorlic. Tavolina në të cilën janë ulur i ftuari i nderit nga Turqia Erdogan dhe homologu i tij serb Aleksandar Vuçiç.
“Turqishtja ime nuk është perfekte”, tha Daçiç para se të merrte mikrofonin.
Ndërsa kjo traditë muzikore gjatë mikpritjes së Erdogan është kthyer në një ritual të zakonshëm, marrëdhëniet mes Serbisë dhe Turqisë po forcohen gjithashtu në fushën e bashkëpunimit ushtarak.
Serbia dhe Turqia po bashkëpunojnë në fushën e industrisë së mbrojtjes, ndërsa tensionet me Kosovën mbeten të larta, sidomos pas raportimeve për dislokimin e ushtrisë serbe pranë kufirit me Kosovën.
Panta najvio na KZN da će Koferče pevati bratu Erdoganu “Osman aga”…i Koferče pev’o 💪💪💪 pic.twitter.com/NDd4g2TDOw
— Danijela Rankovic (@DanijelaRankov4) October 12, 2024
