U luajtën sot 5 takimet e vlefshme për javën e parë të Bundelsigës gjermane. Milot Rashica, e ka nisur me asist sezonin e ri, duke dhënë kështu kontributin e tij, në barazimin 1-1 që skuadra e tij Verder Bremen arriti ndaj Hanoverit. 22-vjeçari e nisi nga stoli takimin, teksa u hodh në fushë në minutën e 52-të. 5 minuta para fundit, shqiptari i Kosovës, asistoi për Gebre Selasi, i cili gjeti golin e barazimit.
Në sfidat e tjera, Augsburgu dhe Eintrakt Frankfurt kanë fituar në transfertë përballë Duseldorf dhe Freiburg, ndërkohë që Herta e Berlinit mposhti Nurembergun në shtëpi me rezultatin minimal 1-0. Fitore e artë edhe për Wolfsburgun në këtë javë të parë, teksa triumfoi ndaj Shalkes me rezultatin 2-1.
