Kreu i Kuvendit, Ilir Meta foli pas seancës parlamentare, kur opozita u largua pasi votoi dy aktet nënligjore për dekriminalizimin.
Meta, pasi vlerësoi konsensusin tha se ligji do të hyjë në fuqi shumë shpejt. I pyetur nga gazetarët për bojkotin e opozitës, Meta u shpreh optimist se ai nuk do të ndodhë.
Ai madje ironizoi ishkryeministrin Berisha për “kërcënimet” e tij se opozita do të bëjë më shumë se bojkot.
“Mbase e keni keqkuptuar, mbase ka ndonjë shërbim jashtë vendit. Nuk besoj se ka dashur të thotë bojkot”, tha Meta. I pyetur për lënien e mandatit të Berishës, Meta tha: “Largimi i Berishës do të ishte humbje e madhe, pasi ai mban opozitën e bashkuar, madje edhe ne. Mos më detyroni të bëj edhe unë ndonjë hata”, tha Meta.
http://www.dailymotion.com/video/x3vtxvf_video-meta-ironizon-berishen-mos-me-detyro-te-bej-edhe-une-ndonje-hata_news
