Një video që tregon një mësues teksa puth nxënësen e tij është regjistruar në ambientet e shkollës “Lidhja e Prizrenit”, në Deçan të Kosovës.
Pamjet janë publikuar nga mediat kosovare, sipas të cilave, mësuesi quhet Valentin Selmanaj dhe është mësimdhënës në lëndën e edukimit fizik, ndërsa nxënësja është vetëm 12-vjeçe dhe është në klasën e shtatë.
Videoja është filmuar nga nxënësit e shkollës.
Pas publikimit të ngjarjes, policia e Kosovës ka ndaluar mësuesin.
Zëdhënësi i Prokurorisë Themelore në Pejë, Shkodran Nikqi, ka thënë se mësimdhënësi i dyshuar është ndaluar për 48 orë nën dyshimin se e ka kryer veprën penale “Sulm seksual”.
“Prokurori i shtetit ka marrë veprime hetimore për ndriçimin e plotë të kësaj çështje penale, “i cili ka shkuar në stacionin policor dhe ka urdhëruar sekuestrimin e telefonit të të pandehurit”, ka thënë Nikqi.
Gjatë fundjavës, mësuesi së bashku me kolegët e shkollës dhe nxënësit kanë qenë në ekskursion në Shqipëri. Ai thuhet se është arrestuar pasi është kthyer në Kosovë./Opinion.al
