Një mësues është grabitur gjatë kohës që jepte mësim “online”.
Ngjarja ka ndodhur në në Sao Paulo, ku 5 persona janë futur në banesën 51-vjeçarit Mario Candido Santos, në kohën që ai po u jepte mësim 20 studentëve.
Siç shihet dhe në video, një nga grabitësit i mbyll gojën profesorit, ndërkohë që të tjerët nisën kërkimet në dhomë për sende me vlerë. Ata kërcënuan se do të vrisnin edhe vajzën e profesorit nëse ai nuk i jepte të gjitha paratë.
Grabitësit nuk e dinin se po shikoheshin nga studentët, të cilët njoftuan menjëherë policinë, që arrestoi grabitësit dhe i ktheu profesorit sendet e vjedhura./ Opinion.al
