Zëdhënësja dhe deputetja e Partisë Demokratike Ina Zhupa ka denoncuar ditën e sotme një rast flagrant mësimdhënieje jo në shkollë por në një lokal dasmash.
Nëpërmjet një postimi në rrjetet sociale, Zhupa ka publikuar një video nga një lokal në fshatin Babicë të Vlorës ku shihet një grup fëmijësh që zhvillojnë mësimin brenda lokalit.
Në rrjetet sociale ajo shkruan se kjo është fytyra e vërtetë e qeverisë së Edi Ramës ndërsa akuzon ministren e Arsmit se e ka mohuar si fakt.
“Mësimi ne lokal dasmash nuk eshte montazh. Është fytyra e qeverise se Ramës me shkollat dhe arsimin në vend. Ministrja e mohon, Petro ulëret si kapter për ta mbrojtur dhe mendon si mund të intimidoj opoziten! Ja video faktike e mësimit në lokal në Babice të Vlorës që Ministrja e Arsimit e mohoi ne komision kur une ja solla si fakt. Nuk japin zgjidhje por ofrojnë gënjeshtra”- shkruan Ina Zhupa.
Kujtojmë që ditën e sotme Ministrja e Arsimit, Evis Kushi e ka mohuar një fakt të tillë gjatë mbledhjes së zhvilluar në Komisionin e Edukimit./Opinion.al
