Ishulli Kos në Greqi si edhe Bodrumi i Turqisë janë tronditur nga një tëmret i fuqishëm me magnitudë 6.7 ballë të shkallës Rihter. Tërmeti i fuqishëm kishte pasoja të rënda pasi në Greqi la të vdekur 2 persona si edhe u plagosën 120 persona të tjerë.
Epiqendra është lokalizuar në zonën detare midis ishullit Kos dhe qytetit turistik turk, Bodrum.
Dëme të shumta materiale janë evidentuar sidomos në qendër të ishullit, ku janë shkatërruar kryesisht objekte fetare.
Dëmtime të mëdha ka pësuar gjithashtu edhe porti i ishullit, ku trageti i linjës nga Pireu nuk mundi të ankorohej.
Banorët dhe turistët që gjenden në ishull e kaluan natën përjashta, nga frika e lëkundjeve metasizmike që pasuan.
Sizmologët kanë paralajmëruar se këto lëkundje do të vazhdojnë me javë, prandaj këshillojnë që njerëzit të bëjnë shumë kujdes e të mos qëndrojnë në banesa të vjetra.
Kos është ishulli i tretë më i madh i Dodekanezit dhe një nga më të frekuentuarit prej turistëve vendas dhe të huaj.
Studentja britanike Naomi Ruddock ndjeu tërmetin në Kos, ku ajo është në pushime me nënën e saj.
“Ne ishim në gjumë dhe ne ndjenim vetëm që dhoma të lëkundej, dhoma lëvizte, gjithçka lëvizte, dhe ndihej sikur ishim në një varkë dhe ajo lëkundej shumë shpejt nga njëra anë në tjetrën”- thotë ajo.
https://www.youtube.com/watch?v=6eWvAvuF5ro
