Një punonjës i shtupimit në Siri është filmuar teksa nuk ndalonte dot së qari pasi nxori të gjallë një fëmijë 30 ditësh nga rrënojat e ndërtesës.
Vullnetari i grupit “Helmetat e Bardha”, Adu Kifah, pas dy orësh përpjekjesh intensive ka arritur të nxjerr të gjallë foshnjën nga rrënojat e pallatit pas bombardimeve nga ajri në qytetin e Idlib. Adu mes lotëve e shoqëroi foshnjën drejt ambulancës, pamje këto që kanë bërë xhiron e botës.
“Helmetat e Bardha” janë një nga grupimet e nominuara për çmimin Nobel të paqes, bashkë me banorët e disa ishujve grekë, të cilët kanë ndihmuar emigrantët sirianë.
