Kryeministri Edi Rama prej ditësh ka nisur të “gërmojë” në arkiva për të gjetur mbështetës në mes e aktorëve, edhe nga ata që kanë ndërruar jetë, që janë pro prishjes së Teatrit Kombëtar.
Kësaj radhe Rama ka postuar një video të Jusuf Vrioni, për të cilin thotë:”Ja se sa thjeshtë e çmonton tërë marrëzinë monumentale mbi “vlerat arkitekturore” të ngrehinës së Teatrit Kombëtar”.
https://www.facebook.com/edirama.al/videos/2329319250644202/
Por aktorët nuk e kanë lënë pa një përgjigje shefin e qeverisë. I radhës ka qenë Mehdi Malkaj, i cili këtë të premte ishte prezent tek grupi i artistëve që prej kohësh vazhdon të bëjë rezistencë kundër prishjes së Teatrit.
“Kur ndodhi protesta isha larg dhe nuk munda te isha. Dua ti flas pak kryeministrit. I dashur Kryeministër. Në vitin e largët 2013 ju përpara PS mbajtët një fjalim të shkëlqyer me përjashtim “nga ky moment unë jam kryeshërbëtori juaj”. Kur jeni kryeshërbëtori, unë jam kryepronari. Pse na bie ne pronarëve 3 herë në ditë, para dhe pas buke. Po ta them edhe si të njohur. Ndeshja bëhet me dy takime. Deri dje ishte në fushën tënde, sot është në fushën tonë. Nuk varet nga gjatësia sa i zgjuar je. Se i lartë është plepi po e dhjesin sorrat”, tha aktori Mehdi Malkaj.
https://www.facebook.com/opinioni.al/videos/875764149472323/
Pjesëtarë të Aleancës për Mbrojtjen e Teatrit Kombëtar kanë vazhduar protestën, duke gdhirë ditët pranë ndërtesës historike. Ata po protestojnë prej 18 muajsh, duke kërkuar restaurimin e saj dhe po përpiqen ta shpëtojnë ndërtesën historike nga planet për të ndërtuar aty një grup pallatesh shumëkatëshe. / Opinion.al
