Ata janë dy aktorët më të njohur dhe më të pëlqyer të Hollivudit. Por një e përditshme amerikane kishte publikuar në faqe të parë se çifti i aktorëve Mila Kunis dhe Ashton Kutcher i kanë dhënë fund marrëdhënies së tyre.
Ata kanë vendosur të mohojnë këtë lajm në mënyrën me origjinale të mundshme. Kutcher ka publikuar në profilin e tij në Instagram një video ku shfaqet me Milën dhe ironizojnë lajmin teksa kjo e fundit sheh në ekranin e telefonit kopertinën bashkë me lajmin e ndarjes.
“Çfarë ka ndodhur?”,- i drejtohet Ashton, “Mes nesh ka marrë fund”,- është shprehur ajo. “Madje dhe fëmijët i kam marrë unë”, -vazhdon të ironizojë Mila, “Ndërsa ti më ke ekspozuar një sekret të errët”, thotë ajo.
Çifti e ka mbyllur videon duke falenderuar me ironi revistën në fjalë, Më pas krahas videos së publikuar në rrjete sociale aktori ka shkruar:
“Duket se ka marrë fund. Kënaqu duke shitur revista këtë javë. Ndoshta gruaja ime do lindë binjakë javën tjetër. Për të tretën herë”,-përfundon aktori i njohur.
Çifti janë prej vitesh bashkë dhe janë prindër të dy fëmijëve një vajze dhe një djali./Opinion.al/
