Incidentet e rënda në fushën e futbollit e kanë prekur thellë edhe fqinjin tonë Greqinë.
Në ndeshjen mes Paokut dhe AEK-ut të Athinës, pas anulimit të golit të shënuar nga Varela, Presidenti i PAOK, Ivan Savidis, është futur në fushën e blertë duke sulmuar gjyqtarin e takimit, i cili e anuloi golin, duke argumentuar se futbollisti kishte penguar portierin.
Por reagimit të tifozëve i është bashkuar edhe vetë presidenti Ivan Savidis, i cili së bashku bashkë me drejtorin teknik, Ljubos Mishel i janë afruar gjyqtarit. Mediat greke kanë publikuar edhe foto ku presidenti shihet i armatosur me pistoletë në brez.
