Dy persona kanë rënë në prangat e policisë pasi janë kapur me armë zjarri pistoletë dhe kokainë në automjet në zonën e Ish-bllokut në Tiranë.
Sipas informacineve të arrestuarit janë: Elis Xherahu 39 vjeç dhe Erdit Tefhasani 31 vjeç.
Policia bën me dije se gjatë operacionit, në rrugën “Brigada 8”, oficerët e Policisë kanë lokalizuar dhe ndaluar automjetin me drejtues Elis Xherahun dhe pasagjer shtetasin Erdit Tefhasanin.
Gjatë kontrollit në këtë automjet, shërbimet e Policisë gjetën një armë zjarri pistoletë, me 1 krehër me municion luftarak, si dhe një sasi lënde narkotike kokainë, të cilat u sekuestruan në cilësinë e provës materiale.
Në përfundim të veprimeve u arrestuan në flagrancë Elis Xherahu dhe Erdit Tefhasani dy banues në Tiranë, dhe materialet i kaluan Prokurorisë, për veprime të mëtejshme procedurale.
