Në ditën e Krishtlindjeve Ambasada Amerikane ka sjell urimin për shqiptarët nëpërmjet një videoje dhe këngë të realizuar brenda ambienteve të saj, ku Ambasadori Donald Lu së bashku me diplomatët e tjerë amerikanë dhe anëtarë të personelit vendas kanë kënduar.
I veshur me kapuç, dorashka dhe shall, ambasadori Lu këndon këngën klasike të festave “Jingle bells” në oborrin e ambasadës amerikane në vendin tonë.
Kënga e urimit për këtë fundvit, është realizuar në bashkëpunim me këngëtarët Venera Lumani dhe Lindi Islami.
Një vit më parë ambasadori i SHBA në vendin tonë, Donald Lu, së bashku me stafin e ambasadës amerikane, përshëndetën qytetarët shqiptarë për festat e fundvitit me këngën “Ja na erdhi viti i ri”. Dhe me sa duket, kjo mënyrë e veçantë e ambasadorit Lu për t’i uruar shqiptarëve Krishtlindjen dhe Vitin e Ri, është kthyer tashmë në një traditë./opinion.al
