Ish-drejtori i Policisë së Vlorës, Jaled Çela është dorëzuar sot në Drejtorinë e Policisë së Tiranës i shoqëruar nga avokati i tij.
Ashtu sic shihet edhe në videon e mëposhtme, Çela duket i veshur sportiv dhe mban në kokë një kapele.
Ish efektivi i lartë i policisë u hetua nga prokuroria për trafik droge dhe favorizim të grupit kriminal të vëllezërve Habilaj, gjatë viteve 2015-2016, kur ai drejtonte Policinë Vlorë, së bashku me ish-Ministrin e Brendshëm, Saimir Tahiri.
Gjykata për Krimet e Rënda e deklaroi atë të pafajshëm për këto akuza, por e shpalli fajtor për shpërdorim detyre. Për këtë ai u dënua me 5 vite burg, por që me gjykim të shkurtuar dënimi përfundimtar i shkoi në 3 vite e 4 muaj./Opinion.al
