Aktualitet

Video/ Me drone e kamera, 10 grupe FNSH në Krujë, çfarë zbuluan


Bëhu pjesë e Grupit Zyrtar të Opinion.al
>> KËTU <<
               Publikuar në : 09:32 - 22/04/22 |
Opi Nion

Policia e Shtetit ka zhvilluar kontrolle masive në territorin e rrethit të Krujës, për parandalimin e kultivimit të bimëve narkotike.

Në një njoftim për mediat bëhet me dije se kontrollet janë zhvilluar nga  Policia e Krujës, me mbështetjen e 10 grupeve të FNSH Tiranë.

Prej 72 orësh ka nisur kontrolli masiv i territorit të rrethit Krujë, ndërsa gjatë kontrollit janë përdorur dronë, kamera dhe mjete të tjera që iu shërbejnë punonjësve të Policisë.

Gjatë 3 ditëve të fundit janë kontrolluar 250 sera, 56 shtëpi të braktisura, tunele, territor i pyllëzuar, sipërfaqe publike dhe shtetërore. Kontrolle të imtësishme janë ushtuar në ambiente të ndryshme, për të cilat ka patur informacione se mund të përdoreshin për kultivimin e bimëve narkotike nëpërmjet llambave. Si rezultat në fshatin Fushë Thumanë, janë gjetur në një serë, 400 kubikë të kultivuar me fidanë cannabis sativa, të cilët u asgjësuan gjatë operacionit, ndërsa një pjesë u sekuestrua në cilësinë e provës materiale. Ndërkohë, po punohet për identifikimin dhe kapjen e autorit/ëve të këtij rasti.

Kontrolli masiv i territorit në rrethin e Krujës është duke vijuar, me grupe të shumta të FNSH-së dhe të Policisë së Krujës, dhe do të shtrihet në të gjithë zonat me risk dhe jo vetëm.

Pas