Një 30-vjeçar është arrestuar këtë të premte nga policia e Elbasanit, pasi po qarkullonte me armë zjarri.
Policia bën me dije se në kuadër të operacionit të koduar “Reagimi”, u bë i mundur lokalizimi i 30-vjeçarit E.H, në fshatin Muriqan, Elbasan.
Oficerët e Policisë kapën në flagrancë të riun, i cili po lëvizte me armë zjarri automatik, me një krehër me fishekë.
Në cilësinë e provës materiale u sekuestruan arma e zjarrit automatik dhe municioni luftarak.
30-vjeçari akuzohet për veprën penale “Prodhimi dhe mbajtja pa leje e armëve luftarake dhe e municionit”.
