Një 35-vjeçar nga Shkodra që lëvizte në Vlorë, me armë zjarri me silenciator dhe me fishek në fole, gati për qitje, është arrestuar nga policia.
Efektivët e policisë bazuar në informacionet e siguruara nga inteligjenca policore, për një shtetas që qarkullonte me armë zjarri me vete, kanë organizuar dhe finalizuar operacionin policor të koduar “Silenciatori”.
Në kuadër të këtij operacioni, në lagjen “Uji i Ftohtë”, është arrestuar shtetasin A. N. (Xh.), 35 vjeç, banues në Shkodër.
Gjatë kontrollit fizik ndaj këtij shtetasi, dhe në çantën e tij të shpinës, shërbimet e Policisë gjetën dhe sekuestruan në cilësinë e provës materiale, një armë zjarri pistoletë me silenciator, me fishek në fole, gati për qitje, një sasi municioni lufatrak, doreza dhe kapuç.
Policia në bashkëpunim me Prokurorinë pranë Gjykatës së Shkallës së Parë të Juridiksionit të Përgjithshëm Vlorë, po vijon hetimet e thelluara për zbardhjen e rrethanave të këtij rasti dhe të qëllimit të 35-vjeçarit.
Materialet procedurale i kaluan Prokurorisë, për veprime të mëtejshme, për veprën penale “Mbajtja pa leje dhe prodhimi i armëve, armëve shpërthyese dhe i municionit”./Opinion.al
