Bota

VIDEO/ Mbrëmje dhune në Napoli, protesta masive kundër masave Covid


Bëhu pjesë e Grupit Zyrtar të Opinion.al
>> KËTU <<
               Publikuar në : 09:02 - 24/10/20 |
Al Do

Qindra njerëz dolën në rrugët e Napolit për të demonstruar përpara selisë së Rajonit të Kampanjas kundër shtetrrethimit dhe kundër hipotezës së një mbylljeje të dytë. Pati përplasje me policinë dhe bombola me gaz lotsjellës nga të dy anët, molotov dhe fishekzjarre.

Protesta e dhunshme kishte protagonistë demonstrues të rinj në moshë të cilët iu përgjigjën një diskutimi që nisi në rrjetet sociale rreth njoftimit të një mbylljeje rajonale të bërë nga guvernatori De Luka.

Më herët kishin protestuar paqësisht tregtarët dhe sipërmarrësit e vegjël kundër masave kufizuese, në Napoli dhe Salerno.

Protestuesit mbanin në dorë disa banderola kundër De Lukas dhe qeverisë. “Ti na mbyll, ti na paguaj” dhe “Shëndeti është gjëja e parë, por pa para nuk mund të vendosësh masa” shkruhej në disa prej tyre.

Prapa selisë së Rajonit, kishte momente të forta tensioni midis demonstruesve dhe policisë. Molotovë dhe bombola gazi u hodhën mbi agjentët. Një kamion karabinierie u godit gjithashtu dhe disa makina policie u sulmuan.

Demonstruesit arritën të kapërcenin barrikadën e policisë dhe qindra prej tyre hodhën fishekzjarre dhe ndezën bomba tymi përpara ndërtesës ndërsa policia u përgjigj me një lëshim të dendur gazi lotësjellës. Shumë të rinj me skuter të cilët, duke sfiduar shtetrrethimin që filloi në orën 11:00, vrapuan në rrugë duke u rënë borive dhe duke bërtitur parrulla dhe fyerje kundër guvernatorit. /Opinion.al

Pas