Pas fitores së parë për 2017n në kampionat, Mërgim Mavraj shijon një tjetër sukses me Hamburgun. Mbrojtësi i Kombëtares u kualifikua në çerekfinale të Kupës së Gjermanisë duke eliminuar Këlnin, ekipin nga ku u transferua gjatë merkatos së dimrit.
Ekipi vendas triumfoi 20, me nga një gol për çdo pjesë që mbajnë firmën e Gideon Jungut (5’) dhe Bobi Udit (75’). Të dy finalizimet e Hamburgut erdhën nga sulmet në qendër të mbrojtjes mike, çka tregon edhe një herë peshën që kishte 30 vjeçari në prapavijën e Këlnit.
Për të mësuar kundërshtarin në çerekfinale, Hamburgu duhet të presë shortin që do të përcaktojë tetë ekipet e kualifikuara në katër çifte.
