Kryeministri Rama komunikoi ditën e djeshme, për herë të parë pas 5 muajsh, një masë të re anti-COVID.
Që prej heqjes së karantinës së përgjithshme në qershor, qeveria lehtësoi gradualisht të gjitha masat shtrënguese ndërsa rastet e të infektuarve dhe viktimave pësuan rritje të konsiderueshme.
Por ajo që do të ngjallte më shumë diskutim ishte rregulli i ri që kryeministri Rama komunikoi ditën e djeshme. Ai tha se duke nisur nga data 15 tetor mbajtja e maskës do të jetë e detyrueshme në çdo ambient.
Në këtë fakt është përqendruar sot Partia Demokratike e cila e akuzon kryeministrin për paqëndrueshmëri të deklaratave të tij në publik lidhur me pandeminë dhe maskat.
Në një video të publikuar në “Facebook”, PD sjell disa deklarata të kryeministrit nga 27 shkurti deri më 10 tetor ku ai njëherë është shprehur e ky virus është thjeshtë një grip e më pas ka folur për rrezikun e pasjes së mijëra të vdekurve.
“Jemi me fat që “Murtajën” e ka shkruar Albert Kamy. Jemi pa fat që po bëhemi “Kurbani” i marrëzis së këtij skizofreni.
Por, ky kapitull ndjellakeq i gogolit të Facebook po merr fund. Tani askush nuk i beson dot më luftes imagjinare që një herë e sfidon me maska e një herë me demagogji rrjetesh sociale.”, shkruan PD. /Opinion.al
