Kryeministri i Kosovës Albin Kurti është sulmuar nga mbrëmjen e sotme anëtarë të Partisë Socialdemokrate.
Kurti është goditur me qershi para kryeministrisë, për shkak të nënshkrimit të marrëveshjes për targat me Serbinë. Video është postuar në rrjetet sociale nga Dardan Molliqaj.
“Sapo ia kthyem Kurtit qershitë e tij. Ato janë vetëm për të. Pasojat le t’i merr për vete. Kryeministër i skutave. Provoi t’i shpëtonte ballafaqimit me temën e Asociacionit, por nuk ju shpëtoi dot qershive. Ky është vetëm fillimi i organizimit e mobilizimit kundër dialogut që ka si nënshtrat Asociacionin. Segregimi etnik është i pajetueshëm dhe i papranueshëm”, ka shkruar Molliqaj në Facebook.
