Njëmbëdhjetë persona, pjesë e një bande italo-shqiptare, u arrestuan ditën e sotme nga Guardia di Financa e Firences, në akuzën për shpërndarjen e lëndëve narkotike.
Arrestimi i tyre sipas policisë italiane u bë në bazë të operacionit të koduar “Buslijnen”.
Ata kishin fshehur në autobusin e linjës Hollandë-Milano 18 kile heroinë dhe 520 kg marijuanë.
Shef i bandës ishte një shqiptar që jetonte në Prato, që mesaduket kishte zhvilluar kontaktet e duhura për të gjetur drogën në Holandë dhe Belgjikë.
Transporti i lëndës narkotikei ishte besuar pronarit të agjencisë dhe dy shoferëve të kompanisë që bënte transportin e udhëtarëve në Milano.
Tre të arrestuarit e kishin fshehur kokainën dhe marijuanën në një vrimë të dyfishtë krijuar nën shkallët dhe nën ulëset e autobusit.
Pasi mbërriti në Madoninna në Milano, droga sipas policisë italiane u mor nga disa burra të tjerë pjesë e grupit, të cilët më pas e shpërndanë atë në Lombardia dhe Toscana.
