Një automjet ka shpërthyer sapo ka dalë nga karburanti.
Ngjarja ka ndodhur rreth orës 07:20, në fshatin Vloçisht në Maliq, ku një makinë sapo e furnizuar me gaz, shpërtheu në flakë.
Siç shihet në pamje, pas një shpërthimi të fuqishëm, makina ka shpërthyer në flakë, që del fuqishëm edhe nga bagazhi, ndërkohë shoferi dhe pasagjeri dalin me shpejtësi nga mjeti, duke hapur dyert. Duke qenë se makina ishte e përfshirë nga flakët dhe se ka qenë e ndezur, ka ecur përgjatë rrugës, duke përfunduar në kanal.
Fill pas ngjarjes, dy të plagosurit, që kanë marrë djegie në trup, janë transportuar në spital, ku kanë marrë mjekimin e nevojshëm dhe më pas kanë ikur në banesat e tyre.
