Një automjet është përfshirë nga flakët mesditën e së shtunës në mbikalimin e Kamzës. Sipas informacioneve paraprake shkak i zjarrit ka qenë një defekt teknik në mjet, por fatmirësisht nuk ka patur të lënduar.
“Në hyrje të autostradës Tiranë-Durrës, dyshohet se si pasojë e një defekti teknik ka marrë flakë në lëvizje mjeti me drejtues shtetasin A. Z., ku ka vetëm dëme materiale. Grupi hetimor ndodhet në vendngjarje dhe po punon për përcaktimin e rrethanave të ngjarjes”, njoftoi Policia./Opinion.al
