Një makinë në bulevardin kryesor “Dëshmorët e Kombit” u përfshi nga flakët ditën e djeshme.
Pamjet nga vendngjarja tregojnë që i pari që ka ndërhyrë për të neutralizuar flakët ka qenë një polic bashkiak.
Reagimi i tij i shpejtë bëri që flakët të mos djegin të gjithë automjetin, dhe qarkullimi i automjeteve të mos bllokohej në një segment tepër të rëndësishëm të kryeqytetit.
Policia njoftoi se shkak i zjarit dyshohet të ketë qenë një defekt teknik. Fatmirësisht nga ngjarja nuk pati të lënduar por vetëm dëme materiale.
