Një mjet, sikundër shikohet edhe nga video e mëposhtme, është përfshirë nga flakët pak minuta më parë në qytetin e Fierit, ndërkohë që nuk dihen ende shkaqet e këtij incidenti. Mësohet se mjeti ka marrë flakë në ecje e sipër ndërsa nuk raportohet për të lënduar apo viktima nga kjo ngjarje. Pritet ekspertiza e policisë për të mësuar nëse kemi të bëjmë me një ngjarje aksidentale apo të inskenuar nga faktorë të jashtëm. Ngjarja ka ndodhur në zonën e rrethrrotullimit, në hyrje të rrugës për në Vlorë, në vendin e njohur si ish-parku i automjeteve.
