Një makinë ku udhëtonin katër të rinj nga Kosova të moshës 18 dhe 19 vjeç është përplasur me një zetor në aksin Milot-Laç pranë mbikalimit. Për pasojë një 19 vjeçar humbi jetën dhe 4 të tjerë u plagosën, mes tyre shoferi i zetorit.
Policia tha se nga aksidenti mbetën të plagosur B.K 19 vjeç, D.S 18 vjeç, B.H. 19 vjeç dhe Sh.H 19 vjeç. Ky i fundit ndërroi jetë në spital si pasojë e plagëve të marra, ndërsa tre të tjerët ndodhen në spital nën kujdesin e mjekëve.
Gjithashtu i dëmtuar ka mbetur edhe drejtuesi i zetorit shtetasi H.Z. 35 vjeç, banues në Krujë, cili ndodhet në Qendrën e Traumave në Tiranë nën kujdesin e mjekëve.
Grupi hetimor në vendngjarje vazhdon hetimet për zbardhjen e plotë të shkaqeve të aksidentit.
Nga të dhënat e para mësohet se se zetori u ka prerë rrugën 4 të rinjve, duke u futur nga rruga anësore. Ende nuk dihet nëse të rinjtë kane qenë me shpejtësi apo ndërhyrja e zetorit ka qenë e rrezikshme duke mos pasut mundësi për devijim. Po vazhdojnë hetimet për të zbuluar shkaqet e këtij aksidenti fatal. /Opinion.al
