Një aksident i lehtë automobilistik ka përfunduar në përplasje fizike mes dy shoferëve. Një shofer i televizionit Top Channel është aksidentuar gjatë ditës së sotme me një taksi, por situata mes tyre është nxehur dhe ka përfunduar në grushte.
Sipas raportuesit që e ka bërë publike videon në JOQ, ka qenë makina e TCH që ka përplasur taksinë, dhe më tej shoferi bashkë me pasagjerë ka dalë nga makina duke u përleshur me taksistin.
Ngjarja ka ndodhur pranë urës së Drejtorisë së Policisë së Tiranës.
“Makina e Top Channel u përplas me taksistin dhe këta shoferët e Topit po e rrahin taksistin e gjorë. Është dashur ndërhyrja e një kalimtari që të pushonte pak gjakrat se për policinë ishin duke e lënë sakat taksistin”, shkruan qytetari.
