Është ky moment, kur pjesëtarët e grupit “Rafting Albania” kanë nxjerrë nga makina 37-vjeçarin Alban Hasanllari, pas një aksidenti që ai pësoi në zonën e kanioneve të Osumit. Aksidenti u regjistrua përgjatë segmentit rrugor Çorovodë-Prishë, në vendin e quajtur Ura e Blëzenckës.
Drejtuesi i mjetit ka dalë nga rruga dhe ka përfunduar poshtë urës, duke u rrëzuar nga një lartësi prej 100 metrash. Rënia e mjetit në ujë dhe dëmtimi krejtësisht i tij e ka bërë tepër të vështirë nxjerrjen e trupit të të plagosurit nga automjeti.
Në këtë video të siguruar nga presidenti i “Rafting Albania” shihet se për transportimin e trupit është përdorur edhe një gomone.
37-vjeçari është transportuar me helikopter drejt Spitalit të Traumës në Tiranë./Opinion.al
