Një shtetase rreth 25 vjeçe ka humbur jetën në aksidentin e ndodhur mbrëmjen e sotme në Unazën e Madhe, te mbikalimi i Saukut, teksa 3 persona tjetër kanë mbetur të plagosur.
Sipas informacioneve, një mjet që vinte nga Shkoza në drejtim të TEG, ka dalë nga rruga duke rënë nga mbikalimi, ndërsa kur ka rënë në rrugë, ka përplasur dhe një makinë tjetër.
Në pamje duken edhe barrierat mbrojtëse të shkatërruara nga goditja e automjetit. Në vendngjarje ka forca të shumta policie. Shkak i aksidentit paraprakisht dyshohet shpejtësia e lartë.
