Gjykata e Fierit la sot në burg Edmond Asllanin, shoferin që tri ditë më parë shkaktoi aksidentin e rëndë në Fier ku humbi jetën një grua shtatzënë si edhe dhe u plagosën disa persona të tjerë, mes tyre edhe fëmijë.
Me të dalë nga salla e gjyqit Asllani me pranga në duar dhe i shoqëruar nga policët ka përshëndetur familjarët e tij, midis tyre edhe bashkëshorten e tij, teksa është dëgjuar ti thotë “Puthe çunin, mos ki merak”
Edmond Asllani u ndalua më datë 21 gusht, pasi duke drejtuar mjetin tip “Benz” në aksin rrugor Fier-Vlorë, është përplasur po me një tjetër mjet tip “Benz” me drejtues shtetasin L.T., 32 vjeç, banues në fshatin Sheq Musalalaj si dhe me mjetin tip “Audi”, me drejtues shtetin A.T., vjeç 64, banues në fshatin Martin.
Si pasojë e këtij aksidenti humbi jetën pasagjerja në mjetin tip “Audi”, shtetasja M.T., 27 vjeçe, banuese në fshatin Martin si edhe aktualisht ndodhen në spital shtetaset L.T., 7 vjeçe dhe K.T., 41 vjeçe, banuese në fshatin Qarr, pasagjerë në mjetin “Audi” dhe drejtuesi i mjetit “Benz” shtetasi L.T., 32 vjeç dhe i mituri Xh.T., 1 vjeç.
