Projekti për shëtitoren e Vlorës ose siç njihet ndryshe “Lungomare” është në fazën e zbatimit, ku disa prej punimeve janë kryer. Por si janë bërë ato? Gjithnjë ka patur kritika sidomos për ngushtimin e rrugës Skelë-Ujë i Ftohtë, që gjatë verës çoi në trafik kilometrik makinash.
Por tani duket se dhe diçka tjetër ka shkuar keq. Vetëm 3 muaj pas mbjelljes së pishave apo janë tharë. Siç shihet edhe nga pamjet më poshtë të Report TV, shumë prej pishave në shëtitoren buzë detit janë tharë.
Por pse? Nga uji i kripur i detit thotë specialisti, me një përgjigje të çuditshme, a thua se nuk dihej se këto pisha po mbilleshin buzë detit!!
Vetëm për gjelbërimin e Lungomares janë dhënë 930 mln lekë. Sipas zyrës së Mjedisit në Fondin Shqiptar të Zhvillimit që ka dhënë lekët për këtë projekt, në projektin përfundimtar është parashikuar mborja detare me gurë që të thyen dallgët.
