“Zoti Kryeministër”, “Lulzim Basha kryeministër” “Fitore”… Një grup mbështetës të Partisë Demokratike i kanë ndërprerë rrugën Lulzim Bashës, i cili ka qenë në Dibër në vazhdimin e turit të tij për të takuar qytetarët dhe për t’i bindur ata të jenë pjesë e protestës së opozitës në 16 mars.
Siç duket dhe në këtë video, Lulzim Basha nuk e ka pritur këtë takim, ndërsa më pas ka dalë nga automjeti dhe pas takimeve ka bërë dhe foto me mbështetësit.
Gjatë ditës së sotme nga Berati, Lulzim Basha paralajmëroi uniformat blu se do të mbajnë përgjegjësi nëse dhunojnë qytetarët. “Çdokush që shkel ligjin dhe godet qytetarët, do të vijë shumë shpejt dita që do ta paguajë. Ua drejtoj këtë në veçanti atyre që ndjekin urdhra të paligjshëm”, tha Basha.
Basha garantoi se opozita nuk do të vijë në pushtet përmes dhunës, ndërsa nuk la asnjë shteg të hapur për zgjidhje të krizës politike përmes dialogut me Ramën./Opinion.al
