Mbrojtja e fëmijëve, mbajtja e tyre larg rrugës, problemeve apo fenomeneve të Shekullit të 21-të, si tabletat e smartphone-t dhe angazhimi i tyre në aktivitete të dobishme, mbetet një sfidë e vazhdueshme e shoqërisë.
Në mjaft vende të zhvilluara të botës, një rol të rëndësishëm në këtë proces kanë programet pas-shkollore.
Shtetet e Bashkuara të Amerikës renditen ndër vendet me përhapjen më të madhe të këtyre programeve.
Pjese e tyre është edhe riintegrimi në shoqëri i fëmijëve të përfshirë në aktivitete kriminale.
Nje grup xhirimi i Departamentit te Informacionit ne Tv Klan udhëtoi me ndihmën e Ambasadës Amerikane, në Michigan dhe Detroit për të parë nga afër se si ndërveprojnë institucionet, shkollat, organizatat e fondacionet për këtë qellim dhe realizoi një dokumentar, si shembull se si mund të angazhohet shoqëria dhe institucionet edhe në Shqipëri në dobi të fëmijëve.
Dokumentarin e shfaqur tashmë në Tv Klan, mund ta ndiqni të plotë në linkun e mëposhtëm. / Tvklan.al
