Mbrëmjen e kësaj të premteje në kryeqytet janë ndezuar dritat e pemës që është vendosur në qendër të Tiranës, në Sheshin ‘Skënderbej’.
Ashtu sikurse është bërë traditë, jo vetëm në Shqipëri, por thuajse në të gjithë globin, ceremonia e ndezjes së dritave shoqërohet me praninë e kryebashkiakut dhe fëmijë të shumtë, që mblidhen në shesh dhe i gëzohen festës që po vjen.
Por ndryshe nga vitet e shkuara dhe ndryshe nga tradita botërore, që dritat e pemës ndizen në datën 6 Dhjetor, Tirana ka vendosur të ndriçohet shumë më përpara.
Kujtojmë se edhe vitin e shkuar kryebashkiaku Veliaj ka ndezur dritat pikërisht në datën 6 Dhjetor. Ndërkohë, ai nuk ka prishur traditën e bluzave me drerë dhe motive festive, që me sa duket do na shoqërojnë deri në fund të këtij viti.
Fundi i vitit është përjudha më e bukur për të gjithë për shkak të atmosferës festive.
