Ditën e sotme i jepet lamtumira e fundit 35-vjeçarit Kostandinos Kacifas, i cili u vra në përplasje te armatosur me forcat RENEA, 12 ditë më parë. Siç ishte paralajmëruar kanë mbërritur autobusët me shtetas grek që do të marrin pjesë në ceremoninë e varrimit.
Para se ti drejtohen banesës së të ndjerit grekët kane protestuar në qender të fshatit Bularat me flamuj greke.
Por jo vetëm kaq! Në tokë shqiptare ata ngrenë parulla e brohorasin “Kacifa jeton, ti na drejton”, “Vorio Epiri është grek”, “Maqedonia është Greqi”.
Ministria greke e Punëve të Jashtme ka ftuar të gjithë qytetarët grekë që kanë zgjedhur të vizitojnë Bularatin, të demonstrojnë vetëpërmbajtje dhe respekt për familjen e tij dhe ceremoninë e varrimit. Ndërsa nga autoritetet shqiptare nuk ka ende asnjë reagim.
