Kryesore

VIDEO/ Lituania mposht Shqipërinë, mbrëmje për t’u harruar nga kuqezinjtë


Bëhu pjesë e Grupit Zyrtar të Opinion.al
>> KËTU <<
               Publikuar në : 22:36 - 07/09/20 |
Al Do

Mbrëmje për t’u harruar për kuqezinjtë. Shqipëria ka humbur në stadiumin “Air Albania” kundër Lituanisë.

Megjithëse ishte favorite në letër, kombëtarja jonë zhvilloi një nga ndeshjet me të dobëta të saj kundër një kundërshtari modest që në dy vitet e fundit ka vetëm dy fitore, me Zelandën e Re dhe me Sri Lankën.

Në fushën e lojës, Lituania u tregua kompakte duke izoluar djemtë e Edi Rejës në pjesën e parë. Pas pushimit në dhomat e zhveshjes, u prit një reagim nga ana e Shqipërisë.

Por në minutën 51′, një gabim i Gjasulës i fal golin Kazlauskas.

 

Kuqezinjtë provuan të barazojnë shifrat por loja e tyre mbeti e paorganizuar mirë dhe as zëvendësimet e Rejas nuk dhanë rezultat. Për t’i bërë gjërat edhe më keq, në fund të ndeshjes kapiteni Hysaj u ndëshkua me kartonin e dytë të verdhë, duke bërë që të mungojë në ndeshjen e ardhshme me Kazakistanin.

Me humbjen e sotme 0-1, Shqipëria mbetet në vendin e dytë në grupin 4 të Ligës C në Ligën e Kombeve. /Opinion.al

Pas