Kënga e Linda Halimit, që do të përfaqësojë Shqipërinë në kompeticionin evropian të këngës, është publikuar mbrëmjen e djeshme në kanalin zyrtar të “Eurovision” në Youtube.
Kënga është punuar nga kompozitori Klodian Qafoku dhe me tekst të Big Bastës dhe Lindita Halimit. Jo vetëm shpirtërore, por në të njëjtën kohë edhe e fuqishme, “Bota” E linda Halimit përcjell një mesazh të fortë, falë edhe interpretimit të këngëtares. Versioni anglisht i këngës është miksuar në studion e Marco Borsatti, orkestruar nga Andrea Camilletti, Shpëtim Saraçi dhe Kldian Qafoku, ndërsa masterizimi i këngës është bërë nga Tom Coyne në Sterling Sound Studio.
Në profilin e saj zyrtar në Facebook, Lindita ka falënderuar të gjithë bashkëpunëtorët e këngës dhe të gjithë ata që e kanë mbështetur dhe e mbështetin përfaqësimin e saj në Kiev, Ukrainë, në muajin maj.
