Në një moment të tensionuar, Gramoz Ruçi nuk i shpëtoi dot gafave. Sapo Kryeministri Rama ishte qëlluar me vezë, kryetari i parlamentit përjashtoi deputetin Endri Hasa. Pas 10 minutash pushim, Ruçi tentoi të rihapë seancën, por Hasa nuk kishte lëvizur nga vendi.
“Byroja e Partisë” ishte shprehja që përdori Gramoz Ruçi në Kuvend, në vend se të thoshte “Byroja e Kuvendit”.
“Zoti Hasa liro sallën. Liro sallën. Kryetari i grupit nxirre deputetin jashtë. Do të ta jap fjalën menjëherë sapo deputeti të lirojë sallën në zbatim të vendimit të Byrosë së Partisë…” (Në sallë deputetët shpërthejnë në të qeshura).
Gramoz Ruçi një funksionar i vjetër i komunizmit, duket se nuk e ka hequr nga mendja Byronë e Partisë dhe siç ka thënë Frojdi, flet subkoshienca. /Opinion.al
