Një grup qytetarësh të mbështetur nga PD lokale kanë protestuar sot në Pogradec aty ku po zhvillohet mbledhja e përbashkët e dy qeverive. Pas skandalit të Tahirit, kjo është hera e parë që Rama përballet me protesta dhe me sa duket ato do të vazhdojnë, edhe pse PD nuk ka dhënë detaje për mënyrën se si do të organizohen ato. Siç shihet në videon më poshtë njerëzit thërrasin “Rama ik” dhe në duar mbajnë fotot e njerëzve të akuzuar për trafik droge, mes tyre ish-ministri Tahiri.
I pranishëm në këtë protestë ishte edhe deputeti i PD-së, Klevis Balliu. Ai është shprehur se revolta vjen për shkak të padrejtësive të bëra nga qeveria.
‘’Ne jemi këtu për të denoncuar padrejtësitë e kësaj qeverie. Bashkëpunimi me krimin e organizuar. Protesta kundër qeverisë që do të kapi edhe prokurorinë e përgjithshme për ta perdorur ate për presione politike”, është shprehur Balliu.
