VLORË- Tre persona kanë rënë në pranga për kultivim dhe trafik droge në Vlorë. Ata janë Koçi Myrtaj, 39 vjeç, banues në fshatin Llakatund, Ermal Arapaj, 24 vjeç, banues në fshatin Llakatund, Lisjen Aliraj, 23 vjeç, banues në Vlorë.
Ndërsa dy të tjerë janë shpallur në kërkim. Operacioni u krye gjatë natës në fshatin Trevllazër, ku u sekuestrua 128 kg marijuanë. Një banesë në këtë fshat ishte kthyer në laborator droge. Sipas policisë nëse droga do të dilte në treg vlera e saj shkonte 120.000 Euro. Përpos lëndës aty u gjetën 3 armë zjarri automatikë, 3 krëhëra me 6 fishekë, një makinë dhe disa celularë.
