Fondacioni për Liri Ekonomike ka shpallur rezultatet e studimit për listën e më të pasurve në Shqipëri për vitin që lamë pas.
Por pyetja është a janë këta emrat e më të pasurve në Shqipëri, në kohën kur media europiane po flet për kanabisin e ardhur nga vendi ynë?
Mirëpo, drejtuesi i këtij fondacioni, Besart Kadia, deklaroi sonte në studion e emisionit “Opinion”, pavarësisht sukesit të këtyre individëve shoqëria nuk ka arsye t’i njohë.
Kadia vendosi theksin tek individët që suksesin e tyre e kanë ndërtuar në bazë të mundit, ideve dhe ligjshmërisë.
Pak ditë më parë, kryeministri i Shqipërisë Edi Rama deklaroi: Çdo biznes i dyshimtë, llogari bankare, makina dhe pasuri e paluajtshme duhet të kalojë në skaner. Kushdo që zotëron asete të tilla duhet të provojë vendosjen ose do të konfiskohen dhe zotëruesit të përgjigjen para ligjit.
Ministria e Punëve të Brendshme deklaroi se 50 milion euro pasuri në cash, vila, apartamente e automjete janë gjetur nga Task-Forca në kuadër të aksionit anti-kanabis të nisur kohë më parë.
