21 Korriku 2016 do të mbahet mend gjatë si dita kur u ndryshua Kushtetuta e vendit me votat e mazhorancës dhe opozitës për ti hapur rrugën Reformës në Drejtësi. Në fakt maratona parlamentare nisi më 21 korrik dhe u finalizua pas mesnate, pra më 22 korrik. Sot, kur kreu i komisionit të reformës në drejtësi Fatmi Xhafaj bëhet ministër i Brendshëm ia vlen të sillet në vemendje përplasja e tij e fortë me Ilir Meten paraditen e 21 korrikut, shkruan Opinion.al.
Gjatë mbledhjes së Konferencës së Kryetarëve, Meta ka ngritur zëri dhe i ka kërkaur llogari Fatmir Xhafës se pse nuk e ka mbledhur komisionin e reformës. Xhafa i është kundërpërgjigjur duke i kërkuar Metës të ulë zërin…
Përballja
Ilir Meta: Pse nuk e mblodhe mbrëmë Komisionin, siç të kisha urdhëruar?
Fatmir Xhafa: Ule zërin, deri tani kemi dëgjuar parullën tënde ‘Me qetësi e dashuri”, por tani dashuria ka ikur, tani të rrijë qetësia. Kryetari i Kuvendit duhet të ketë respekt për kuvendin. Kam dëgjuar e dëgjoj me vëmendje gjithçka që thuhet nga karrigia juaj. Komisionin e kam mbledhur rregullisht gjatë gjithë kësaj kohe, konform rregullores, PD ka bojkotuar komisionin rregullisht. Nuk marr urdhra për mbledhjen e komisionit. /Opinion.al
