Babë e bir janë arrestuar nga Policia e Vlorës për veprën penale “Kultivimi i bimëve narkotike” e kryer në bashkëpunim.
Në pranga kanë rënë një 63-vjeçar me iniciale A.Sh., dhe një 25-vjeçar me iniciale Xh.Sh kanë rënë në pranga, pasi gjatë kontrolleve në fshatin Vranishte të Vlorës iu gjet një parcelë me bimë kanabis.
Bimët e kanabisit të gjetura janë asgjësuar nëpërmjet djegies.
Materialet procedurale në ngarkim të arrestuarve i kaluan Prokurorisë pranë Gjykatës së Rrethit Gjyqësor Vlorë, për veprën penale “Kultivimi i bimëve narkotike” e kryer në bashkëpunim.
“Vijon kontrolli masiv i territorit, për parandalimin, evidentimin dhe goditjen e veprimtarisë kriminale në fushën e kultivimit të bimëve narkotike.
Finalizohet operacioni policor i koduar “Vilza”.
Gjenden dhe asgjësohen bimë të dyshuara narkotike cannabis sativa.
Arrestohen në flagrancë babë e bir, si autorët e dyshuar të kësaj veprimtarie kriminale.
Në vijim të punës për parandalimin, evidentimin dhe goditjen e veprimtarisë kriminale në fushën e kultivimit të bimëve narkotike, shërbimet e Komisariatit të Policisë Himarë kanë vijuar kontrollet e imtësishme të territorit. Si rezultat është finalizuar operacioni policor i koduar “Vilza”, gjatë të cilit u bë arrestimi në flagrancë i shtetasve:
-A. Sh., 63 vjeç, banues në Vranisht, Himarë.
-Xh. Sh., 25 vjeç, banues në Vranisht, Himarë.
Gjatë kontrollit, në fshatin Vranisht, Himarë, në vendin e quajtur “Vilza”, shërbimet e Policisë kanë gjetur të kultivuara bimë të dyshuara narkotike canabi-sativa, të cilat u asgjësuan me anë të djegies.
Nga veprimet hetimore dyshohet se autorët e kësaj veprimtarie kriminale janë shtetasit A. Sh dhe Xh. Sh.
Materialet procedurale i kaluan Prokurorisë pranë Gjykatës së Rrethit Gjyqësor Vlorë, për veprën penale “Kultivimi i bimëve narkotike” e kryer në bashkëpunim”,-njofton policia./Opinion.al
