Detaje të reja janë zbuluar pas kapjes nga autoritetet të 49 kg kokaine në Portin e Durrësit. Mësohet se sasia e drogës nuk ishte fshehur mes frutave apo brenda, por në pjesën e poshtme të konteinerit, tek shasia. Siç vihet re nga pamjet e publikuara nga policia janë dashur pajisje për ta çarë pjesën metalike dhe për të zbuluar drogën.
Ndërkohë gjatë operacionit është vënë në pranga administratori i firmës, Ecoalmax, që posedonte kontejnerin. Është arrestuar Selim Çekaj, babai i Arbër Çekajt, i arrestuar po për drogë.
Kujtojmë se 3 vite më parë Arbër Çekaj u arrestua pasi në firmën e tij zbarkoi një konteiner me banane nga Kolumbia, që kishte brenda 613 kg kokainë./Opinion.al
