Partitë politike kanë filluar takimet me qytetarët në kuadër të zgjedhjeve parlamentare të 25 prillit.
Mbrëmjen e sotme, kryetarja e LSI-së Monika Kryemadhi ka shkuar në një familje në Elbasan, ku iu ka shërbyer bukën e nxehtë të sapo dalë nga furra anëtarëve të familjeje.
Kryemadhi thotë se qytetarët janë varfëruar gjatë qeverisë “Rama”, por zemrat e tyre janë plot me dashuri dhe mirësi që i mban të fortë mes vështirësive.
“Bukë e kripë e ❤️ në shtëpinë e Gëzimit në Rajonin 3 të Elbasanit. Vërtetë varfëria ka prekur xhepat e qytetarëve por zemrat e tyre janë plot me dashuri dhe mirësi që i mban të fortë mes vështirësive. Pasi folëm për prioritetet e LSI në qeverisje i shërbeva me shumë kënaqësi bukën e ngrohtë të pasdites. #ShqipëriaShtëpiaJuaj.”-shkruan Kryemadhi./ Opinion.al
