Kryetarja e Lëvizjes Socialiste për Integrim, Monika Kryemadhi ka qenë këtë mbrëmje pranë të rinjve të LRI-së në Jalë, ku për të 10-in vit u mbajt kampingu veror.
Në fjalën e saj Kryemadhi tha se LSI ka një mision për të ndryshuar elitat politike në vend.
“Ky grup mjaft modest arriti kulmin e tij, me pasion dhe me forcën për të cilin të gjithë kemi nevojë”, u shpreh ajo.
“Sot jemi në një demokraci të pakonsoliduar, fantazmat e diktaturës po shfaqen në formën e bandave. Nëse në komunizëm përplaseshim me Sigurimin e Shtetit, sot përballemi me diktaturën e drogës dhe të krimit, që është më e fortë. Kjo diktaturë po mbështetet nga narko-shteti. Ëndrrat janë ato që ndryshojnë botën dhe jetën tonë, janë motivi që inspirojnë motivin për të ardhmen e tyre.
Njerëzit luftojnë për të qenë në vendin e tyre me integritet, ajo çka duhet të them se misioni i LRI, nuk është thjesht për të dhënë disa mundësi, por mision që të ndryshoj klasën politike në vend”, tha Kryemadhi.
